الجزء الأول
انا عليا عمري 17 سنه ثانويه عامه.. انا يتيمه.. ابويه مات وانا عمري 4 شهور واميه كانت اجنبييه وبعد وفات ابوي بشهر ودرتني وسافرت لبلادها واستغنت عني خلتنييي سارت تكمل حيااتها >> ناس ما تخاف ربها
انا عايشه ويا يدتي عذييجه وييديي بعد كان متوفي.. المهم ابووويه كاان من اصحاب الشركات وعنده ملايين وبيزات وخير>>> ولهسبب اميه خذت ابويه
المهم يدوه عذيجه ربتني وكان عندي عميين الله يطول في عمرهم وهم ما قصرو وياي وكل واحد فيهم معرس وله بيته وعياله والبيت اليي انا عايشه فيه بيت ابويه الله يرحمه
يدوه عذيجه امأجره بيتها وساكنه في بيت ابويه الله يرحمه يعني ما اقولكم ان يدوه كانت تكرهني بس بعد كانت معاملتها ليي شوي قاسيه لان مهما صار بتتم بنت الاجنبيه اليي كانت السبب تقريبا في موت ابويه الله يرحمه ولهذا السبب كانت تكرهني شوي وانا ما ادري شو ذنبي ان هاي اميه
المهم كنت انا في غاية الجمال والروعه كنت ما خذه من حلات اميه كاان شعريي طويل وكستنائيي اللون لون شعر اميه وعيوني كانت كبيره ووسيعه وحلوه ولونه بني عرمادي الي كان يشوفني ما كان يصدق اني بنت عرب المهم كنت وايد حلوه<<لا والله تمدح نفسها خخخ
والمهم خلنا نرجع لعمامي عمي سلطان وعمي راشد
عمي سلطان عمره شي و40 وكان ماخذ وحده من اهالي سويحان فاطمه (شي و30 انسانه طيبه وحنونه وتنحب(
المهم اكبر عياله كان فهد عمره 33 ماخذ بنت خالته حصه 28 سنه وعندهم ساره 4 وسالم سنه وبعدين ايي هادف 28 ماخذ اخت ربيعه شيخه 22 سنه عندهم راشد سنتين وبعدين ايي ((هزاع)) عمره 24 سنه يدرس في المانيا كان حلمه ان يكون دكتور ولكن عمي ما رضى وقال لازم يدش البزنس ويدير شركاتي وحلالي بعد وفاتي وهالشي الي خله هزاع يسافر ويبتعد ويدرس البزنس في المانيا كان انسان عصبي ومتحكم مغرور خقاق لابعد الحدود شايف نفسه وكاان وسيم جميل يخبل كان يجنن وكان انسان له هيبته وشخصيته طويل عريض خشمه شرات السيف اسمر اللون ولكن مب وايد اسمر >> يعني لونه حلوو .. المهم كله على بعضه كان عذاب نص بنات العايله متخبلات عليه وبعدين سلامه 18 سنه وبعدين عويش 15 وبعدين خليفه 9 سنين
.................
وعمي راشد كان عمره في ال30 وكان ماخذ بنت ييرانهم وكانت عاليه (وهي بعد في ال30 ولكن كانت اصغر منه) وعندهم هادف 16 سنه والريم 14 واحمد 9 واخر العنقود العنود 5
..................
كنت انا خقاقه ودلوعه ورافعه خشمي وواثقه من نفسي ودووم افتخر بنفسي وجمالي وكانت لي اسبابي كنت اظن انيي بهالطريقة بكون مثل الناس بشي وبهالشيي اريد اكون فيه احسن منهم يعني كنت ابا يكون عندي شي الناس تتمناه انا كنت مدلعه نفسي بنفسي ومسويه كل ها عسب اررضي شيي في داخلي ولكن شو ما اعرف المهم كنت دوم اتمنى ان يكون ليي ابو ويكون لي ام كنت دوم اغار من ربعي كنت اموت كل يوم من العذاب وكنت اتعذب يوم مجلس الامهات كان الكل ايب امه الا انا وما كنت اقول ليدوه وحريم عمامي ((عماتي)) كنت دوم احاول اني اغيب في الايام ومرات ما كنت اروم اغيب وكنت اسير واتعذب وانا اشووف كل ام تسال عن بنتها والي تحضنها وانا اميه ودرتنيي وانا صغيره وهالشي اليي كان معذبني انيي كنت بليا ام وابو يا ما اصعب الحياة بدون الوالدين كنت اكره اميه مرات ومرات احبها كنت دوم اسال نفسي لييش احبها هي شو سوت لي والي فهمته من يدوه انها كانت السبب في موت ابويه يمكن يدوه كرهتنيي فيها كنت كل ما يدوه تسب اميه اصيح مهما كان وصار بتم اميه ما كنت احب حد يسبها والا يغلط عليها كانوا يقولون ان امييه خربت ابويه وخلته يتعود عالشرب وهالسوالف ولين ما ذبحته وهالشي يدوه كانت تقوله لي كنت مرات احتاجها تكون عندي كنت مرات اشتاق لها موت وانا ما اعرفها كان خاطري اشوفها ولكن وين بلقاها؟ اصلن لو لقيتهاا هي تباني؟ وليش هي ودرتني؟ هل هي تحبنيي؟ هالاسئله كانت دوم تدور في بالي ولكن من بيجاوببني عليها منوو؟؟ كنت مرات احس بضيج ومرات احتااج ان اقول لحد في الي بخاطري ولكن منو بيسمعني يدوه!! مستحيل بتيلس اتقولي عن الرمسه الفاضيه ومن هالكلام فكنت انسانه شبه متحطمه داخليا و لكن ما كنت ابين لحد هالشيي كنت مرات اكره نفسيي وادعي على امييه من القهر الي فيني كنت مرات اسال نفسي منوو يحبني هل في احد يحبني في هالدنيا صدق عمامي كانو يحبوونيي بس بععد كنت ابا حد يمووت فيني يهتم فيني يفكر فيني حتى ربعي الي هم ربعي ما كانو يحبووني ذاك الزوود لانيي كنت وايد متكببره وخقاقه ماكنت اسولف وايد وياهم وجيه ويمكن الي كانو يرابعوني لكشختيي واشيائي وانا دوم كنت ابتعد عنهم حتى اذكر ايام الابتدائيه كنت اقص عربعي وكنت اقولهم ان عندي ام وابو وانهم يحبوني ويسولي وسوالف بس عسب اكون نفسهم حتى مره وحده خبرت امها عليه جاان تقولها امها اني جذابه وان اميه وابويه متوفين ويت يوم الثاني وفضحتني ويوم من رديت البيت كنت صدق متضايجه وصحت صياح كله عذاب والم وهم كنت انسانه حزينه بس كانت امنييتي في كل صلااة ان اميه ترد لي وتكون تحبني وكنت دوم احلم بها وانها يت وشلتنيي فياها ولكن كلها مجرد احلام احلام ما اظن انها تتحقق عمري ما زقرت اميه عمري ما زقرت ابويه كان ودي بس يردون ثواني واقولهم اني احبهم احبهم مهما سوه فيني مهما سوااه ولكن من بيسمع ومن بيحس مالي غير ربي اشكي له حالي كنت مرات ادعي بالموت كنت يوم امرض اموت في حجرتي ولحد يدري بيي يدوه حياتها كانت كلها طلعات وحريم والحواطه في الفريج وما ترد الي عالساعه 9 ولا 8 واذا هي ما سارت لهم هم ايونها >> جني واايد طوولت عليكم > يلاا عاد ما بتبدين القصه خخخ
في يوم الاربعا خلصنا امتحانات الثانويه العامه وكنت راده البيت وانا مستانسه لاني خلاص خلصت وماا برجع لشي اسمه مدرسه و خلاااص بتنتهي المدرسة و مشاكللها
عليا:السلاام عليكم
عذيجه: وعليكم السلام والرحمه ها شو الامتحان اليوم
عليا: سهل وصعب ما ادري حليت
عذيجه: شو بعد ما ادري اقولج هاا ما ابا نسبه اقل من 90%
عليا: هي ان شالله>>في خاطري اقول جان ما كان 59%
عذيجه : انزين اميه سيري غيري لبسج وحطي راسج شوي
عليا: لا يدوه ابا ايلس عندج شوي اليوم
عذيجه: لا الغاليه سيري ارقدي ابرك لج لا ني مشغوله الحين
عليا: انشاء الله انزين يدوه اناا اطلع اليوم
عذيجه: يصير خير الحين فارجي ابا اتصل في سلامه
عليا بحزن : انشاالله
في اليوم الي قبل ظهور النتايج
عليا كانت يالسه عند يدتهاا يشوفون فلم وعليا كانت مستغربه من يدتها ليش جيه تطالعها بسس بعد ما اهتميت وتميت تتابع الفلم
بعد شوي
يت يدوه ولوت عليه وتقول: الله يحفظج دنيا واخره اميه والله يسعدج يابنيتي
وحبتنيي عراسيي وجان احبها والوي عليها وتميت اصيح وهيي تصيح فياي كنت افكر واقول صح كانت قاسيه شويه معايه بس بعد هي تحبني وهي الي ربتنيي وهي الوحيده الي كانت تخاف عليه هي الوحيده اليي كبرتني وربتني وتساعدني يوم تقدر لولاها هيي جان كنت انا الحيين ضايعه عالاقل عوضتنيي عن اميه شويه على الاقل كان فيها الخير وطلعت احسن من اميه الي يابتني وتمينا نصيح لين ما تعبنا وكل وحده سارت صوب حجرتها
وفي اليوم الثاني يوم النتايج كنت يالسه عالكمبيوتر واتريا النتايج واول ما فتحت الصفحه كتبت رقم جلوسي وحصلت نسبتي اول ما شفتها كنت بطيح من الكرسي ما توقعت اني ايب هاالنسبه كنت مول ما ا اعرف احل شي وفي لاخر يببت 93,8 قلت مستحيل مستحيل وسرت اربع صوب حجرة يدوه ابشرها
اول ما دخلت الحجره لقيت يدوه رااقده سرت صووبهاا ابا اوعيها اول ما دقييتها كانت باارده بارده خفت وبديت اشك جان اصيح وايلس ازقرهاا واحاول اوعيهاا وهي ما ترد على صوت صياحي يو البشاكيير يربعون ويحااولون فيايه يوعون يدوه ويوم شفت خلاص ما في امل خلاص يدوه مــــــــــاتت تندهدت تنهييده كلها الم وحزن وطحت وجان يسييرون البشاكيير والدريوليه يتصلون في عمامي وحاله ويوم نشييت لقييت عمري عالشبريه كنت ابا اتذكر شو اليي استوى ومره وحده جان افز وتذكرت جاان اصيح وسرت اربع في البيت ولقيت عمامي تحت سررت صوبهم وانا اصيح واقلهم ويين يدوه ويين يدوه جان يلويي عليه عمي وايي صوبي عمي لثاني ويصيحون اااااه سارت يدوه خلاص سارت الي ربتني وحببتنيي خلااص انا من ليي الحين ويين بعيش شو بيستوي فينيي اااه حتتى ما بشرتها بنتييجتيي اه وجان اطيح عليهم بعد مره>>> لا تقولون انه دلع ولكن خلاص سارت الي ربتني وكبرتني الي اهتمت فيني يدوه
وهاليوم يوو النااس بييتنا وكانن حرييم عمامي وبناتهم في بيتناا وبنات عميي يحاولوون يخففون عني
ومرت ال3 ايام حزينه وخلللصت وكل هالاياام بنات عميي وحررمة عميي سلطاان كاانوا عندي.. رجع ولد عمي هزاع من المانيا عسب يحضر العزا
وفي اليوم الرابع يووني عمامي سلطان وراشد وقالولي
عمي سلطان: عليا حبيبتي اليوم انا وعمج ياييين نررمسسج عن مووضووع
جان اطاالعهم بنظرررة خوووف
عمي راشد : يا بنييتيي لا تخافييين نحن عمامج
جاان اصيييح ويصيحوون معااايه
عمي سللطان: اقوول غناتي خلااص حبيبي خلااص بس فديييتج انزيين انا اليوم وعمج سلطان ياييينج ونبااج تقررريين انتيي عند منوو تبيين تعييشيين
جاان ارففع رااسيي لهم واقوول: لالالا انا ما ابا اطلع من هالبيييت لالا وبديت اصييح
عمي راشد: يا بنتيي ما يصيير هنيي منو بييتم عنددج ماا في حدد لازم اتيين بييت واحد منا
عمي سلطان : انزيين انتيي اليووم تعالي بييتنا ونحن بنقرر بااجر شوو تسوووين انزيين غناتي
جاان اصيييح وعققب صلاااة الظههر سررت مع عممي سللطان بيتهم
واول ما دخلت الببييت لقيييت عمووه وبناتها يتريوني ويرحبووون فييه
عموووه:: هلاا والله بعليا تووه نور البييت
عليا بصووت يلا يلا ينسمع: بوجودكم
جان اتييني سلامه : يلاا علاايه بسيير اراااوييج حجرتج تعاالي
وجاان اسير وراهاا
عميي سلطاان: ام فهد تعالي ابااج
وساارت ام فهد ورا ريلها لحجرتهم
عمي سلطان: يا فاطمه انا فكرت ولقيت حل لمشكله عليا
فاطمه: الي هو؟؟
عمي سلطان: انيوزها لهزاع
فاطمه:شو!!!!!!
عمي: شو بلاج البنت ما علييها قصوور وهزااع كبر ولازم يعررس
فااطمه: لاا والله عليا الكل يتمناها ويباها بس هزاع شو رايه وهزاع وبيرد يدرس
عمي: شو يدرس يعني الامارات ما في مدارس هذا الا ولدج يدلع خلييه يدررس هنييهه وهو حصل عالشهاده والحيين شو يبا يسوووي هناك
فاطمه: شو ترااه يقووول اننه بقاله كورس وما ادري شو
عمي: مب مهم الي يبااه خلاص حصصل الشهاده شو يبا اكثر وحتى الشهاده ما بتنفعه لان بيدييير شرركااتي شو يباا بالشهاده
فلطمه: لا حول يمكن الولد ما يباها والبنت ما تبااه
عمي: لا انشاءالله تبااه وهو يبااهاا لييش هوو شوو يبا اككثر بنت عمه وحلوه وما علييها قصور فاطمه : والله ما ادري سوو اليي تبااه
عمي: انشااءالله خير
فاطمه: انشاءالله
في هالوقت هزاع كان يرمس هدى ((بنت سعوديه تعرف عليها يوم كان في المانيا تدرس وياه يحبها يموت فيها وهيي بعد((
هزاع: يلا ما بقا شي وبرد لج
هدى: حبيبي يلا تعال وايد طولت اشتقت لك
هزاع: بيييج ان شااء الله
هدى: حبيبي نحن متى راح نعرس متى راح تخطبني من ابوي
هزاع: قرييب ان شااء الله والحيين انا ما اروم ارمس ابويه بالسالفه لان يدوه ما كمللت ال4 ايام هدى بضيج: يعني متى
هزاع: جرييب حبيبي جرييب
هدى بدلع : ان شاءالله لاني ما عدت اتحمل فراقك
هزاع: اااااه منج
وفي حجرة عليا كانت يالسه وتصيح وسلامه تحاول تسكتها
سلامه وهي تصيح: بس عاد مب زيين جييه
عليا: ..............وتصيح
سلامه: انتي مب مرتاحه هنيي
عليا: ................ وتصيييح
سلامه: عليا بس خلاص هيه صح ما قلتيلي كم نسبتج كم ييبتيي تعرفيين انيي يببت 84%
هنيه عليا تذكرت رمسة يدتها ويوم كانت تباها اتييب نسبه فوق التسعين
عليا: ااه سرتي يدوه وما خبرتج كم نسبتي سرتيي قبل ما تعرفينها سرتي عنيي وخليتيني بوحيي سرتي وسارت روحي فياج خلاص ابا اموت من لي الحيين منوو ااه من بعدج شو حالي يكون .
وفي هالوقت الي قالت فيه عليا هالكلام كان هزاع طالع من حجرته ساير صوب سلامه لان ما كان يدري ان عليا عندهم لانه كان راقد فسمعها ووقف قلبه عرف ان هاي الي هي عليا وتم واقف في مكانه وسار صوب حجرته كسرت خاطره بس بعد شوي اتصلت فيه هدى ونسى سالفة عليا
والله ما يسوى اعيش الدنيا دونك ... لا ولا تسوى حياتي بهالاوجود
دامك انته الي رحلت وكيف بصبر ... عالبعاد وكيف ابا انثر هالورود
ما حلفت انك تقاسمني المحبه ... وتبقى لي حبن ولدروبي دليل
بس حسافه الموت كان اقرب وارحم ... حسبي الله وحده ونعم الوكيييل
السبت مارس 22, 2008 8:36 am
